(4 „Alte Damen“ – alle tragen Hüte)
1. Ka mer’s wissa?
2. Därf mer’s wissa?
3. Soll mer’s wissa?
4. Will mer’s wissa?
Alle: Ma will’s wissa
1. Hender’s au schau ghert?
2. Was denn?
3. Mo denn?
4. I haus ghert, aber mi frogat ja koiner.
1. Ha den Knall heit Nacht am 12fe
2. Hendse uff ebber gschossa?
3. Also I hau gschlofa ond mei Alter hot gschnarchelet.
4. I däds jo wissa, aber mi frogat jo koiner.
1. Ka mer’s wissa?
2. Därf mer’s wissa?
3. Soll mer’s wissa?
4. Will mer’s wissa?
Alle: Ma will’s wissa
1. I glaub, des war in der XYZstroß.
2. Ha do isch doch nix los.
3. Ha, ma woast ja nie.
4. I däds jo wissa, aber mi frogat jo koiner.
1. Do soll ebber 70ge wora sei.
2. Des isch jo a schees Alter.
3. 70 ge, jo schwätz et.
4. I däds jo wissa, aber mi frogat jo koiner.
1. Des ka vielleicht die VORNAME sei.
2. Moischt du d’VOLLER NAME?
3. Des ka schier et sei.
4. I däds jo wissa, aber mi frogat jo koiner.
1. Ka mer’s wissa?
2. Därf mer’s wissa?
3. Soll mer’s wissa?
4. Will mer’s wissa?
Alle: Ma will’s wissa
1. Ha, in der XYZstrass‘ hent se so ebbes geschwätzt.
2. Mir fällt suscht au koi andere ei.
3. Moascht du mir?
4. I däds jo wissa, aber mi frogat jo koiner.
1. Ka mer’s wissa?
2. Därf mer’s wissa?
3. Soll mer’s wissa?
4. Will mer’s wissa?
Alle: Ma will’s wissa
1. Do kemmer ja froga, mo des Fescht ischt.
2. Kennet dia do au deitsch?
3. Oder müsse mir do Hoschdeutsch schwätza?
4. I däds jo wissa, aber mi frogat jo koiner.
1. Ka mer’s wissa?
2. Därf mer’s wissa?
3. Soll mer’s wissa?
4. Will mer’s wissa?
Alle: Ma will’s wissa
1. A scheener Huat ischt alleweil ebbes gschickts.
2. Dia hemmer doch schau uff.
3. Kemmer no et glei gau?
4. I däds jo wissa, aber mi frogat jo koiner.
1. Mit leere Hend kemmer ja schier et komma.
2. Ha no senge mir hald ebbes.
3. Aber was?
4. I däds jo wissa, aber mi frogat jo koiner.
1. No verrots doch.
2. No sag’s doch.
3. Schluss mit dem bleda Gschwätz.
4. I däd saga, mir senget ebbes.
1. Des ischt et schlecht.
2. Ha senga kann I au.
3. Des ka doch jeder.
4. Des hau I jo glei gesaid, aber mi frogat jo koiner.
1. Ka mer’s wissa?
2. Därf mer’s wissa?
3. Soll mer’s wissa?
4. Will mer’s wissa?
Alle: Ma will’s wissa
Alle: Mir gratulieret ond senget älle „Happy Birthday“ ….
