Zwei Putzfrauen machen eine
Vesper - Pause, (für zwei Personen, kann man auch vorlesen) Beitrag im im niederbayerischen Dialekt von Heidi Wittmann
zum Beitrag ohne Dialekt
Andrea: So Heidi iatz mach´ma a Pause!
Heidi: a des mach ma, lang braucht ma eh nimma .I war nämli beim Chronologen
und der hat mir a Microskop gestelllt.
Andrea: des hoaßt ned Microscop, sondern Horoskop
Heidi: des ist doch wurscht, also der Horoscopologe hat gsogt....
Andrea: du meinst der Astrologe, der stellt nämlich das Horoscop
Heidi: oba Andrea ein Astrologe ist doch a Handschriftendeiter
Andrea: Na Heidi, a Handschriftendeiter ist doch a Grafologe
Heidi: des woaß ich ganz genau, ein Grafologe ist a Lehrer an da Schui
Andrea: oba Heidi des verwechslst du, a Lehrer so wia da Sepp is a Pädagoge
Heidi: a Pädagoge hod wos mit da Krankenkass zum doa.de hamd me zwecks meine
Plattfüaß zum Pädagogen gschickt.
Andrea : Plattfüaß? Do bist du sicha beim Orthobäden gwesn
Heidi: das i ned lach a Orthopäd hod doch wos mit da Rechtschreibung zum doa
Andrea: iatz hör oba af, du bringst ja oisse durchananda, Rechtschreibung,des is doch da Orthograph
Heidi: Hör.af mit dem Orthograph. De Briada hob i gfressn.do hod oana a moi mei Familie vergrößern wolln
Andrea: ha ? a Orhtograph hod dei Familie vergrößern wolln?
Heidi: I ja ,der hods mit seiner Balallaika knipsn woin
Andrea: a i versteh! Der hod dei Familie mit seiner Leica knipsen wolln. Wia kimst du af a Ballaleika?
Heidi: weil du balla - balla bist. I hob das bloß verständli macha wolln.
Andrea: iatz hör af, oina der fotografiert, ist doch koa Ortograph, sondern a Fotograf der mit seiner Leica knipst.
Heidi: oiso is des mögli ! A Fotograf ,des is doch a Plattenspieler
Andrea: des war a Phonograph, heut sogt ma Grammofon
Heidi: wia kannst du nur, des is a sprachwissenschaftlicher Gelehrter.
Andrea: du bist unmögli a sprachwissenschaftlicher Gelehrter ist doch a Grammatiker.
Heidi: Na Andrea mir graust´s vor dir, bas a moi af, des muast doch du wissen. A Grammatiker schreibt doch schaurige Theaterstückl wia : Othello, oder der Mord war nicht nötig
Andrea: du moanst der Othello,´der Mohr von Venedig und da Mord war ned nötig. Und des hand Dramatiker,de so wos schreib´n?
Heidi: mei na des stimmt ned, Dramatiker kriag´n koa Luft, wenn sie die Stiag´n aufe steign.
Andrea: Geh Heidi bitte, des hand doch Asthmatiker
Heidi: mach koa Witz Asthmatiker sind arme Leut die kriegen immer so a Reissen in de Glieder, wenn´s regnt.
Andrea: des hand Rheumatiker!
Heidi: Andrea in Krankheiten kenn i mi aus Rheumatiker zucken immer so zsam!
Andrea: Hör endli auf mit dem Blödsinn, die de immer so zsammazucka sind Neurotiker!
Heidi: Neurotiker is mei Bruada , der is Steuermann bei der Bodenseeflotte.
Andrea: Is ja guad, dei Bruada is a Nautiker und koa Neurotiker!
Heidi: du kannst froh sein das de der ned hört der würd di zum Duett auffordern.
Andrea: Aber i kann doch gar ned singa:
Heidi: singa, vo wega singa, der tät di zsamma schiaß´n oder mit dem Säbel aufspieß´n
Andrea: A so du moanst der dad mi zum Duell auffordern? Wenn sich zwoa bekämpfen, dann is des a Duell
Heidi: zwoa stehen sich gegenüber, do hand no imma zwoa dabei und des hand dann vier oda a Quartal.
Andrea: Vier sind a Quartett und de singa
Heidi: Quartett dass i ned lach´ Quartett is a Boden, den ma kreuz und quer verlegt.
Andrea: Oba Heidi des is doch a Parkett.
Heidi: i will da iatz wos sog´n : wenn du a moi in da besseren Gsellschaft bist dann halt lieber die Gosch, du blamierst de bloß! Pass auf, i will´s da erklär´n : wenn so a Gsellschaft beisammma sitzt beim Ess´n und beim Trink´n dann is des a Parkett.
Andrea: Na Heidi, des is a Bankett, ein Festbankett
Heidi: Bankett, des is im Kino, erstes , zweites, drittes Bankett
Andrea: Spinnst iatz oda i, der Kinoplatz ist ein Parkett, erstes, zweites , oder drittes Parkett!
Heidi: du schlogst di doch mit deinen eigenen Worten, Du host doch grod behauptet,das Parkett a Fußboden is !
Andrea: Und des stimmt a !
Heidi: Du kannst doch ned behaupt´n das de Leut im Kino af´n Fußbod´n sitz´n
Andrea: mei liabe Heidi, de sitz´n ja a ned auf ´n Parkett,sondern im Parkett!
Heidi: Kim iatz hör´ma zum streiten auf. Wos i di scho lang frag´n wollt : Wohin geht´s in Urlaub ?
Andrea: heuer geht´s an den Bodensee
Heidi: Na hoffentli is bis do hi da Kriag wieda aus,
Andrea: Spinnst du Do is doch koa Kriag
Heidi: ja wenn i dir des sog. Hörst du koa Radio?
Andrea: Aber sicher sogar zwoa
Heidi: Dann schalt´s morg´n früh ei Erst heut morg.n ham´s es wieda bracht.: Konstanz-gefallen-fünf!
Andrea: oh Heidi des is doch da Wasserstand!
Heidi : Ach so, dann geh i mit dir und dann mach ma a Kreuzfahrt |