Geburtstagsgedicht auf schwäbisch

eingesandt von Daniela Schilling

Lieber Papa,

dass du bald 60 wirst des sieht dir koiner oh

jung ond vital ond wia Du schaffa kosch.

Egal ob draussa oder drenna gschwend

en ällem bischd halt a Naturtalent.

Dr Garda isch d’schattig, auf dr Alb ischs zu kalt

a Gwächshaus ischd Lösung des mach d mr halt.

Jetzt wachsad dia Gurka ond Tomata ond dr Salat

für älle Fälle hot mr emmer ebbes parat.

Ond wenns zwischa nai mol wieder zwickt,

no fährt ma halt an Ifablick.

Obends aufm Ofabänkle fällt oihm uf komm leg au no a scheitle nuf,

des ghot et des Holz isch leer, in dr Wald do muss neues her.

Ond wenn oim fehlt a bissle Wärme,

no fährt ma noch Beura end d’Therme.

Wenns draußa regnat no mach d’ma drenna gschwend an neie Boda nai,

damit au älles sche aussieht streich mr no dui wohd des juckt au koiner mai.

Fürs Alter hot ma sich au scho grüschdad

und hot an dr Trepp a Gländer brüschdad

Dass es au nemme no regna ko,

no machd mr no a dächle no.

Ond wenn dr Körper isch d’a bissle flau,

no fährt ma geh bada nach Saulgau.

Ondrm Balkon wisst dr was

do hots oms verrecka no miasa s’Plexiglas.

Ond weil dia ed langad bis zom Boda na,

send jetzt an dr seit dia Pallisada dra.

Ond wenn der Akku isch faschd leer,

no muaß an Urlaub en Birnbach her.

Weils auf dr Alb mit de Äpfel a Gschieß

no hot ma halts Pfullenga sei Wies.

A paar Zwetschga ond Äpfel für an Saft,

des gibt oim zom Vesper de nötige Kraft

Ond wenn obends dr Honger oin plogt

an Gyros oder Pizza emmer non goht.

Sonschd kochsch du selber älles was so gheit zom essa,

ausprobiera duasch älles ma ko de bald mit m’Lafer messa.

Jeden Samstagabnd des isch Tradition

da wird dr’Brota gmacht a guade Portion.

Des ischd bloß a kleiner Ausschnitt was Du älles duaschd,

es sagt Dir koiner dass Du des älles muaschd.

Aber alles ischd perfekt gemacht saged Leud

es sieht sche aus do hot jeder sei freud.

Mir wünschad Dir nun viel Glück und Segen

Gesundheit und Freude auf allen Wegen.

Bleib weiter wie Du bisch

und gug dass weiter nix isch.