Jetzt bin ich 60

Hartmut Hetterich

 

Grad bin ich ä Johr älter worre
doch längscht noch net en alter Knorre,
zähl ab jetz grad mool 60 Lenzscher
drum leischt ich mer als noch Sperenzscher.

Ich hab, wie mer vun weitem sieht
en Haufe grohe Hoor schun krieht
doch braucht mers dovor net zu grause
dann "groh" des werr ich nor vun auße.

Do neilich war ich werklich baff
ich hab geglaabt, mich laust de Aff
seh ich im Schpichel ei der daus
es geht mer schun manch Häärsche aus.

Doch konnten se mich net verschrecke
die winzische Geheimratsecke
ich werr sie nie - net ums Verrecke
mol unner em Toupee verschtecke!!!